మధ్య తరగతి బ్రతుకు

మధ్యతరగతి బ్రతుకు
మింగలేదు మెతుకు
మీసాలకు సంపెంగ నూనె అతుకు
పొరుగువాని లొసుగు వెతుకు
మిథ్యా ప్రతిష్టలో చితుకు
మా తాతలు త్రాగారు నేతులు
వాసన చూడండి మా మూతులు
మాకు మేమే తవ్వుకుంటాం
సాంప్రదాయపు గోతులు
ఎవ్వరూ చెప్పనక్కరలేదు మాకు నీతులు
పై కెగురలేక క్రిందకు జారలేక
వ్రేలాడుతాం త్రిశంఖు స్వర్గంలో
ఎందుకు--------?
బూజుపట్టిన భావాల పొరలు తొలగించ లేక
కుల సాంప్రదాయపు సంకెళ్ళు త్రెంచలేక
వంశాచారపధ్దతుల పాకుడు రాళ్ళపై నిలువలేక
నేటి ఆర్ధిక పరిస్థితుల ఏటికెదురీదలేక
పయనిస్థాం లక్ష్యం లేని గమ్యానికి తప్పటడుగులు వేస్తూ
పడుతూ-------లేస్తూ